ՀՀԿ ԳՄ անդամ Էդուարդ Շարմազանովը գրում է. «Արցախից զանգ ստացա պատերազմի մասնակից, զինվորական Արթուրից, ով մանկահասակ երեխա ունի։
Բառացի փոխանցում եմ Արթուրի խոսքերը.
«Շարմազանով ջան, շնորհավորում եմ ձեր նոր տարին, սրտանց ցանկանալով ձեր ընտանիքին ամենալավն ու բարին, մեր երկրին էլ խաղաղություն լինի։
Սաղ լավ ա լինելու։
Չենք կոտրվելու։
Դուք ձեզ լավ նայեք»։
Հ.Գ. Արթուրն ու արցախցիները շրջափակման մեջ են, բայց ավելի ազատ են, ձիգ են, պինդ են ու ազգային են, քան մենք, որ «թսիկի» նման պատերի տակ իրարից բողոքում ենք՝ արդարացում փնտրելով մեր անճարության ու անգործության համար։
Մեր մի մասն անճարությունից «լացում» է, մի մասն իմ նման «ստատուս» է գրում, էն մի մասն արդեն կառավարության տարբեր օղակներում գործի է նշանակվում/շատ երջանիկ Մուրադի հայացքով/, մյուս մասն էլ ասում է՝ լավ է լինելու։
Լավ է լինելու, բայց պայքարողի համար։
Հանձնվողի ու իշխանությունների կողքն անդարդ ու տաք անկյունում տեղավորվողի համար՝ դժվար»։
Դիտեք նաև՝
