Փաստաբան Երվանդ Վարոսյանը տեղեկացնում է, որ Արգիշտի Կիվիրյանն ազատ է արձակվել ոստիկանության Կենտրոնի բաժնից։
-Ա.Կիվիրյանին բերման էին ենթարկել ոստիկանության ՊՊԾ գնդի ոստիկանները «սառը զենք կրելու կասկածով»։
Բաժնում տեղի ունեցավ անձնական խուզարկություն։
Բնականաբար որևէ սառը զենք կամ դրան նմանվող որևէ առարկա չի հայտնաբերվել։
Ակնհայտ էր նաև, որ նման կասկած ունենակու որևէ հիմք ոստիկանները չեն ունեցել, քանի որ նման իրի բացակայությունն ակնհայտ էր նաև նախքան խուզարկությունը Ա.Կիվիրյանի հագուստն արտաքինից զննելիս։
Նման պայմաններում պարզ է երկու բան` Ա. Կիվիրյանը ազատությունից զրկվել էր, քանի որ Ա.Կիվիրյանն է, և երկրորդ` մեզանից յուրաքանչյուրն ազատ չէ մեր սեփական քաղաքում անգամ զբոսնել։
Ոստիկանոըթյան գործողություններն օրենքով սահմանված կարգով կբողոքարկվեն,-ֆեյսբուքի ի էջում գրել է Վարոսյանը: