Այսօր՝ հոկտեմբերի 4–ին, Կառավարության նիստից հետո լրագրողների հետ զրույցում վարչապետի գլխավոր խորհրդական Արսեն Գասպարյանն ասաց, որ ներդրողները ոչ մի բանի չեն սպասում։
«Օգոստոսին և սեպտեմբերին իմ գրասենյակ շատ–շատ ներդրողներ են եկել աշխարհի տարբեր երկրներից, Հայաստանում տեղի ունեցած քաղաքական փոփոխությունները դրական են գնահատում գործարարները։ Արտահերթ խորհրդարանական ընտրությունները նախ ժողովրդի պահանջն է, արտահերթ ընտրությունները բացարձակապես կապ չունեն ներդրողների հետ»,– ասաց Արսեն Գասպարյանը։
Նշենք, որ վարչապետ Նիկոլ Փաշինյանը հայտարարել էր, որ արտահերթ խորհրդարանական ընտրությունները պետք է տեղի ունենան մինչեւ դեկտեմբերի սկիզբ, քանի որ գործարարները սպասում են դրան Հայաստանում ներդրումներ անելու համար։
