Մենք տեղեկացանք, որ «Արմենիա» հեռուստաընկերության լրատվական բաժնում ապրիլի 1-ից կտրուկ փոփոխություններ են լինելու, իսկ ավելի կոնկրետ՝ կրճատումներ:
Հրապարակ․am-ն է գրում ու նշում, որ Հեռուստաընկերությունից հեռանում են նաեւ «Ժամը» լրատվական ծրագրի ղեկավար Արտակ Ալեքսանյանը եւ նրա թիմի մի մասը: Ծրագրի գլխավոր խմբագիր Գնել Նալբանդյանը ասել է, որ ինքն էլ է խմբագրի պաշտոնից հեռանում, սակայն մնում է «Արմենիա» TV-ում որպես օմբուդսմեն:
«Լրատվականից հեռանում է մոտ 6 լրագրող»,- ասել է նա։
Ըստ տեղեկությունների, «Արմենիա» TV-ի «Ժամը» լրատվական ծրագրի ղեկավարի պաշտոնը վստահվելու է հեռուստալրագրող Վահե Ղազարյանին, ով երկար տարիներ աշխատում է նույն հեռուստաընկերության «Սուր անկյուն» հաղորդաշարում՝ որպես հաղորդավար:
