Կոմիտաս վարդապետ Հովնանյանը անդրադարձել է երեկ ԱԺ նիստին «Իմ քայլի» պատգամավոր Գոռ Գևորգյանի կողմից հնչեցված աստվածաշնչյան գրաբար մեջբերմանը։ Վարդապետ Հովնանյանը ֆեյսբուքի իր էջում գրել է․
«ՎԵՐՋԱՊԵՍ ԴԵՄՈԿՐԱՏ ՀՀ ԱԺ ՀՆՉԵՑ ԱՎԵՏԱՐԱՆԱԿԱՆ ՀԱՏՎԱԾ, ՍԱԿԱՅՆ...
Մեծ ուրախություն էր ինձ համար, որ վերջապես նորաստեղծ ԱԺ ընտրյալի խոսքն սկսում էր Ավետարանական մի հատվածով՝ բավական չէր, այն էլ գրաբար։ Հիացումով լսելուց հետո, չկարողացա առաջին մեկ պահից հասկանալ, արդյո՞ք ճիշտ էին ունկեր լսել ասվածը, թե թյուրիմացություն էր։ Քանզի հնչում էին խոսքեր, որոնք անմիջապես վերաբերվում էին մեր Փրկչին՝ Հիսուս Քրիստոսին, որոնք շարադրված էին նախ ՄԱՏԹԵՈՍ 16.19 համարի «Եվ Հիսուս նրան ասաց. «Ճշմարիտ եմ ասում ձեզ. Եթե մանանեխի հատիկի չափ հավատ ունենաք, այս լերանը ասեք տեղափոխվիր այստեղից այնտեղ և կտեղափոխվի. և որևէ բան ձեզ համար անհնարին չի լինի»:
ԳՐԱԲԱՐՈՎ. «Եւ Յիսուս ասէ ցնոսա. «Ամէն ասե՛մ ձեզ, եթէ ունիցիք հաւատս քան զհա՛տ մանանխոյ, ասասջիք լերինս այսմիկ՝ փոխեա՛ց աստի անդր, եւ փոխեսցի՛. եւ ո՛չինչ անհնարին լիցի ձեզ»։
Եվ նմանատիպ հատված կա Մարկոս Ավետարանի 11.23 համարում. «Ճշմարիտ եմ ասում ձեզ, ով որ այս լերանն ասի` ել և ծովն ընկիր, և իր սրտում չկասկածի, այլ հավատա, թե ինչ որ ասում է, կլինի, նա ինչ էլ ասի, կկատարվի:
ԳՐԱԲԱՐ. «Պատասխանի ետ Յիսուս եւ ասէ ցնոսա. Եթէ ունիցիք զհաւատսն Աստուծոյ, 23 ամէն ասեմ ձեզ, որոք ասիցէ լերինս այսմիկ՝ բարձի՛ր եւ անկի՛ր ի ծով, եւ ո՛չ երկմտիցէ ի սրտի իւրում, այլ հաւատայցէ թէ զոր ասէն լինի, եղիցի՛ նմա զոր ինչ եւ ասիցէ»:
Որքան էլ վստահ էի, որ Պողոս առաքյալը նման դարձվածք չունի ասած, այնուամենայնիվ փորձեցի մանրակրկիտ նորից վերընթերցել մեծ առաքյալի թղթերը։ Չնայած որ փորձս ապարդյուն էր, սակայն մտածեցի մեր հարգարժան նորընտիր ԱԺ-ական մեծարգո Տիար Պատգամավորը, թերևս ինչ որ տեղ մի բան գտած լինի, որ ուշադրությունիցս վրիպել է, սակայն այդպես էլ մնաց անհնարին Պողոս առաքյալի գրություններում նման դարձվածքի հանդիպումը։ Ակամայից մտածեցի, լավ է որ վերջապես աթեիստ նախարարների կողքին ունենք թեիստ պատգամավորներ, սակայն աղաչում եմ արեք ամենայն ինչ, որ շփոթություն չառաջանա խեղճ ածուի մոտ։
Խնդրում եմ ձեր ներողամտությունը, եթե ինչ որ բան այնպես չէ...»,-գրել է նա։
