ԱԺ նախկին պատգամավոր Արագած Ախոյանը ֆեյսբուքյան իր էջում գրել է. «Րոպեներ առաջ ՔՊ պատգամավոր Աղազարյան Հովոն գոտեմարտի էր բռնվել Տիգրանյան փողոցի կարտոֆիլ վաճառողների հետ, քաշքշուկի, հայհոյախառը վեճի արդյունքում Հովոն արժանացել ա վերջին հայհոյանքներին ու կրել դիրքային կորուստ, պատճառը՝ փողոցում կարտոֆիլի վաճառքն ա»:

Ավելի ուշ, լրատվամիջոցներին պատգամավորը պատմել է, որ  իր կնոջ հետ առեւտուր անելիս է եղել երբ նկատել է, որ Տիգրանյան փողոցի երթեւեկելի հատվածի մի մասը առեւտրականները փակել եւ բանջարեղեն են վաճառում, հորդորել է բացել ճանապարհը, ինչին ընդդիմացել են առեւտրականները եւ սկսվել է քաշքշոց. 

«Իմ հորդորին ոչ ադեկվատ արձագանք եղավ, իմ ու առեւտրականի միջեւ քաշքշուկ սկսվեց, ոստիկանները եկան եւ հանդարտեցրին իրավիճակը: Այդ փողոցում երթեւեկությունը երկու գծով է, ու մեկը փակել էին: Ես վստահեցնում եմ, որ դա արդեն սահմաններից դուրս էր»:

Աղազարյանն ասել է, որ ինքը հանցագործության մասին հաղորդում է ներկայացրել Ոստիկանություն:

Դիտեք նաև՝