Այսօր Ծիծեռնակաբերդում Գագիկ Ծառուկյանը լրագրողների հետ զրույցում խոսեց նաև որդու շքեղ հարսանիքի մասին, որը տեղի էր ունեցել օրեր առաջ:
Պատասխանելով լրագրողի հարցին՝ արդյո՞ք ճիշտ էր նման հարսանիք անել, եթե հաշվի առնենք այն, որ շատ մայրեր իրենց երեխաներին չեն էլ կարողացել հողին հանձնել:
«Աղջիկ ջան, դե ես պետք ա ճոխ անեմ, դու մի քիչ անես, հո իմ պես չես կարող անել: Ամեն մարդ իր հնարավորությունների սահմաններում իր երեխայի համար անում է: Երեխան է որոշել, զույգերն են որոշել, որ իրենց հարսանիքը կազմակերպեն: Այսօր օրական հարյուրավոր հարսանիքներ են լինում»:
«Ես մինչև այսօր չեմ ասել, բայց ուզում եմ ասել բոլորի համար: Երբ պատերազմը սկսվեց, Ծառուկյանը՝ ես, բերդում էր: Ես երեք միլիոն դոլար ուղարկել եմ Արցախ մեր բանակի, մեր հզորության համար: Այդ մասին այդ լուրեր տարածողները չեն էլ խոսում: Մենք գիտենք, թե ովքեր են լուրեր տարածողները, տերերը: Ուզում են ինչ-որ դիվիդենտներ հավաքեն,բայց հարսանիքի էլ են մասնակցում, քեֆերի, ուտել-խմելու են մասնակցում: Երբեք չի եղել, որ կարողանան որևիցե հարցով որևիցե ոլորտի աջակից լինեն»:
