ԱԺ Տնտեսական հարցերի մշտական հանձնաժողովն այսօր` մարտի 25–ին, չքննարկեց նիստի օրակարգում ներառված «Վիճակախաղերի մասին» ՀՀ օրենքում լրացումներ կատարելու մասին նախագիծը, որին հանձնաժողովը պետք է եզրակացություն տար:
Հանձնաժողովի նախագահ Բաբկեն Թունյանը հայտարարեց, որ քանի որ նախագծի հեղինակ Ալեն Սիմոնյանը երկրում չէ և չի կարող մասնակցել նիստին, ուստի հարցը չի քննակվի: Ըստ Թունյանի, երկու ամսվա ընթացքում հարցը կրկին կներառվի հանձնաժողովի օրակարգ, իսկ քննարկումը, ամենայն հավանականությամբ, կկայանա ապրիլի առաջին կեսին:
Հիշեցնենք, որ ըստ «Հետք» պարբերականի՝ այս օրենսդրական նախաձեռնությունը խրթին կողմեր ունի և, ըստ ամենայնի, սպասվում են աղմկահարույց քննարկումներ:
