Այսօր երկրորդ անգամ նշանակվեցի վարչապետ: Այս մասին իր ֆեյսբուքյան էջում գրել է ՀՀ վարչապետ Նիկոլ Փաշինյանը։
«Ծառայում եմ Հայաստանի Հանրապետությանը, ծառայում եմ Արցախի Հանրապետությանը, ծառայում եմ հայ ժողովրդին», - ասված է Փաշինյանի գրառման մեջ:
Արդեն տեղեկացրել ենք, որ այսօր ՀՀ նախագահ Արմեն Սարգսյանը Նիկոլ Փաշինյանին ՀՀ վարչապետ նշանակելու մասին հրամանագիր է ստորագրել:
Հայաստանի Հանրապետության նախագահ Արմեն Սարգսյանն այսօր հրամանագիր է ստորագրել Նիկոլ Փաշինյանին Հայաստանի Հանրապետության վարչապետի պաշտոնում նշանակելու մասին: Հանրապետության նախագահի նստավայրում տեղի է ունեցել ՀՀ նախագահի և ՀՀ վարչապետի հանդիպումը:
