Այսօր Հայաստանն ու Արցախը հայտնվել են մի այնպիսի վիճակում, երբ շարունակական են աշխարհի ուժային կենտրոններ բախումները մեր տարածաշրջանում, նաեւ տարածաշրջանային խաղացողների մուտքն է թույլ տրվել Հարավային Կովկաս:
Այս մասին, այսօր «Հայաստանին և Արցախին սպառնացող վտանգներն ու դրանց հաղթահարման ուղիները» խորագրով կլոր սեղանի ժամանակ նշեց ԱԺ «Հայաստան» խմբակցության ղեկավար, պաշտպանության նախկին նախարար Սեյրան Օհանյանը:
«Թուրք-ադրբեջանական տանդեմի ձեռնարկած սադրանքի արդյունքում մենք հայտնվել ենք այս դժվարին իրավիճակում:
Այս մեկ տարում ճշգրիտ գնահատական չի տրվել ստեղծված իրավիճակին եւ դա է, որ անորոշություն է բերում եւ Հայաստանի, եւ Արցախի հեռանկարի համար:
Մեզ համար ակնհայտ են պատերազմի եւ պատճառները, եւ հետեւանքները, բայց ցավալի է երեւույթը, որ շարունակական է դարձել Հայաստանի ու Արցախի համար պարտությունների շարանը: Այս ամենը բերում է նրան, որ ակնհայտ ու ստվերային որոշակի երեւույթներ են տեղի ունենում, որոնք կանխարգելմանն էլ պետք է ուղղված լինի մեր ընդհանուր աշխատանքը»,-ասաց Սեյրան Օհանյանը՝ հավելելով, որ իրենք գործում են «Ոչ Հայաստանի թրքացմանը, ոչ Արցախի հայաթափմանը» կարգախոսով:
Սեյրան Օհանյանը հավելեց, որ անվտանգության միջավայրն այսօր ավելի փխրուն է դարձել մեր շուրջը:
Դիտեք նաև`
Դիտեք նաև`
Դիտեք նաև`