Henaran.am-ը գրել է. ԵՊՀ կենսաբանության ամբիոնի ուսանողական խորհրդի նախագահ Աստղիկ Աբրահամյանը նախաձեռնել էր ստորագրահավաք «Նոր քաղաքական մշակույթ» կուսակցության նախագահ Անի Զախարյանին աշխատանքից ազատելու պահանջով:
Անի Զախարյանը այսօր խոսել է տեղի ունեցածի առնչությամբ, անդրադառնալով նաև վկայակոչված այն հանգամանքին, որ ինքը ազատ սեռական հարաբերություններ է քարոզել համալսարանի ներսում: Զախարյանը նշել է, որ իր և իր ուսանողների միջև միշտ էլ նորմալ, մարդկային հարաբերություններ են եղել և նման քարոզի մասին խոսք անգամ չի կարող լինել:
Անի Զախարյանը նշել է, որ ինքը չի դասավանդել Աստղիկ Աբրահամյանին, մինչև վերոհիշյալ իրադարձությունները չի ճանաչել: Նրա կարծիքով այս ամենը կապվում է նրա քաղաքական գործնեության հետ. «Ես լուրջ քաղաքականություն եմ մտել ու բնական է, որ նման երևույթները կլինեն»,-ասաց նա:
Որպես քաղաքական հակառակորդ, որը կարող է իր գործնեությանը խոչընդոտելու նպատակով նման սադրանքներ հեղինակել` Անի Զախարյանը դիտում է Հայաստանի հանրապետական կուսակցությանը:
Առավել մանրամասն՝ henaran.am-ի տեսանյութում
