Բլոգեր Բելլա Բաբախանյանն, ով Բելառուսում ձերբակալվել էր «Ադրբեջանի իշխանություններին զրպարտելու համար», ժամանել է Հայաստան:

Լրագրողների հետ զրույցում Բելլան ասաց, որ 14 օր եղել է կալանավորված և նշեց. «Անդրանիկի գերեզմանի մոտ տեսանյութ էի նկարահանել, որտեղ ասել էի՝ Անդրանիկ, ժամանակին պետք է բոլորին ոչնչացրած լինեիր, որ այսօր «Եռաբլուր»-ը չլիներ: Հենց այդ տեսանյութն է շատ ցավեցրել ադրբեջանցիներին»: Բլոգերը հայտնեց նաև, որ մտածում է Հայաստանում մնալու մասին, որովհետև ուրիշ երկրներն արդեն վտանգավոր են իր գործունեության համար: