Օրերս Պետական վերահսկողական ծառայության (ՊՎԾ) շենքում ծեծկռտուք է տեղի ունեցել ՊՎԾ պետի տեղակալ Ռաֆայել Զաքարյանի, օգնականի և այլ աշխատակցի միջև։
168.am-ի խիստ հավաստի տեղեկություններով՝ աշխատասենյակում Ռաֆայել Զաքարյանը և նրա օգնականը ծեծի են ենթարկել աշխատակիցներից մեկին:
Բանը հասել է ՊՎԾ պետ Տիգրան Ուլիխանյանին, վերջինս էլ միջամտել ու հարթել է շենքում բռնկված միջադեպը։
Տեղեկության վերաբերյալ կայքը փորձել է մանրամասներ ճշտել հենց ՊՎԾ պետ Տիգրան Ուլիխանյանից։
Վերջինս հարցին ի պատասխան՝ նշել է.
«Ես որևէ միջադեպի վերաբերյալ հարցազրույցներ չեմ տալիս. որևէ բան չեմ մեկնաբանի»։
Նկատենք, որ ըստ տեղեկությունների՝ այս միջադեպը միակը չէ, հաճախ են նման սուր բախումներ տեղի ունենում:
Նյութը` սկզբնաղբյուր կայքում
