Այսօր համացանցային մի շարք օգտատերեր իրենց ֆեյսբուքյան էջերում որպես նոր իրադարձություն տարածում են Կալիֆորնիայի սենատի՝ Լեռնային Ղարաբաղի Հանրապետության անկախությունը ճանաչելու մասին տեղեկությունը, սակայն հարկ է նշել, որ այդ ամենը տեղի է ունեցել դեռևս 2014թ-ին:
Այս առիթով հեռուստահաղորդավարուհի Լուսինե Բադալյանն իր միկրոբլոգում հետևյալ գրառումն է կատարել, որը ներկայացնում ենք առանց խմբագրման.
«Չեմ հասկանում՝ սա ինչ պահ ա, կբացատրե՞ք ինչի ա էսօր տարածվում` իբր հենց նոր , երբ գիտենք (կամ մեծ մասը երևի չգիտի), որ Սենատն օգոստոսի 27-ին ( 2014թ) ձայների 23 կողմ, 0 դեմ հարաբերակցությամբ ընդունել է Լեռնային Ղարաբաղի Հանրապետության անկախությունը և Արցախի ժողովրդի ինքնորոշման իրավունքը ճանաչող AJR 32 բանաձևը: Կալիֆորնիան ԼՂՀ անկախությունը ճանաչած ԱՄՆ հինգերորդ նահանգն է: Մյուս չորս նահանգներն են Ռոդ Այլենդը, Մասաչուսեթսը, Մենը և Լուիզիանան»:
