Ձերբակալվել են Երևանի քաղաքապետարանի ևս մեկ պաշտոնյա, հայտնում է Ավինյանի մամուլի խոսնակը։

«Լրացուցիչ տեղեկությունների համար կարող եք դիմել ՀՀ հակակոռուպցիոն կոմիտե»,- հավելել է նա:

«Ֆակտոր»-ի տեղեկություններով` այսօր առավոտյան Հակակոռուպցիոն կոմիտեն ձերբակալել է Երևանի քաղաքապետարանի աշխատակազմի կոմունալ տնտեսության վարչության պետ Արսեն Կարոյանին:

Նա այս պաշտոնում նշանակվել էր դեռևս 2020 թվականին, քաղաքապետ Հայկ Մարությանի պաշտոնավարման ժամանակ:

Լրատվամիջոցի տեղեկություններով` նա ձերբակալվել է կաշառք ստանալու կասկածանքով: