***

Դավթաշենում կայացած հավաքի ժամանակ Բագրատ Սրբազանը դիմեց քաղաքական գործիչներին. «Անդադար հիշեցնելու եմ քաղաքական դաշտում գտնվող մեր սիրելի գործիչներին՝ պատկերացրեք` ինչի մասին է մեր կյանքը և պատկերացրեք այս պայքարի բովանդակությունը։
Հրաժարվեք ձեր բոլոր գործած մեղքերից և պատասխանատվությամբ մաս կազմեք այս շարժմանն առանց հավակնությունների, որպես պարզ քաղաքացիներ, որպես հայ մարդիկ, որպես բարիքի հավատացող մարդիկ, որպես արարումին հավատացող մարդիկ, որպես պետության տեսիլք ունեցող մարդիկ, որպես Աստված սիրող մարդիկ, որպես միմյանց սիրող ու պատիվ ընծայող մարդիկ»։

Կառավարություն կոչվածն անհաղորդ է երկրի խնդիրներին՝ հանցավորության աճը, մարդկանց սոցիալական վիճակը, այլ բազմաթիվ խնդիրներ նրանց չեն հետաքրքրում: Այս մասին Դավթաշենում բնակիչների հետ հանդիպման ժամանակնշեց Բագրատ Սրբազանը:

«Պատրանքներ ստեղծելով, սուտ պատկերներ ներկայացնելով, այստեղ-այնտեղ գնալով, մարդկանց բերելով հանդիպման՝ ցույց են տալիս՝ ինչքան «երջանիկ են» այս մարդիկ։ Իրականում մարդկանց կյանքով հետաքրքրված չեն․ իրենց հեծանիվով են հետաքրքրված, արձակուրդով»,- ասաց Սրբազանը։