Ըմբշամարտիկ, նախկին պատգամավոր Արսեն Ջուլֆալակյանն իր ֆեյսբուքյան էջում գրել է.
«Ենթադրենք, Արևմուտքն ինչ որ խոստումներ էր տվել Զելենսկուն, որոնք չպահեց: Չնայած արձանագրենք, որ ոչ մեկ ուղղակի ռազմական միջամտություն չէր խոստացել: Ավելին, ուղիղ ասվել է բազմիցս, որ ՆԱՏՕ-ի ոչ մի զինվոր չի կռվելու Ուկրաինայում…
Հարց. շուրջ 25 տարի հետևելով Պուտինի գործունեությանը, չե՞ք հասկացել, որ մարդը բացարձակ հեռու է պոպուլիզմից և բլեֆի սիրահար չէ, այն էլ իր պետության անվտանգությանն ու տվյալ դեպքում գոյությանը վերաբերող հարցերում:
Ու՞մ կամ ինչի՞ վրա էիր հույսդ դրել, երբ Կիև մտնելը 2 օրվա հարց էր, երբ որոշմանդ արդյունքում կործանվելու է մի ամբողջ պետություն, բազմաթիվ կյանքեր…
Էլ չասած, որ մինչև վերջին օրը զգուշացվել է, որ չզիջելու դեպքում հարձակումն անխուսափելի է:
Պետք էր ընդամենը մեկ հայտարարություն, որ Ուկրաինան երբեք չի լինելու ո՛չ ՆԱՏՕ-ի , ո՛չ էլ ԵԱՏՄ/ՀԱՊԿ անդամ:
Հենց նման դեպքերի համար են ասում, որ չի կարելի ում ասես երկրի կառավարում վստահել: Սա էլ սերիալ չէ, որ մի քանի դուբլով ուղղես սխալներդ…
Ափսոս էր, ցավալի»:
Դիտեք նաև՝
