«Ինչո՞ւ ասացիք՝ հաղթելու ենք, եթե չէինք հաղթելու»,- Այսօր՝ փետրվարի 1-ին, Ազգային ժողովում դիմելով Արծրուն Հովհաննիսյանին՝ հարցրին լրագրողները, ինչին ի պատասխան Հովհաննիսյանը նշեց․
«Որովհետև հավատում էի, որ հաղթելու ենք: Եթե ես հավատում էի, որ հաղթելու ենք, դա չի նշանակում, որ ինչ-որ մեկին խաբել եմ: Մինչև վերջին օրը հավատում էի, մինչև Շուշին ընկնելու օրը»,- պատասխանեց նա՝ ավելացնելով, որ ծանր է տանում տեղի ունեցածը:
«Խորհուրդ կտամ մի քիչ սթափ նայել իրավիճակին, հասկանում եմ՝ բոլորս էմոցիաների վրա ենք, հիմա վատ բառապաշարով մեղադրանքները տեղին չեն: Ամեն օր փորձում եմ պատերազմն ուսումնասիրել, ես էլ չեմ կարող մինչև վերջ ինչ-որ բաներ հասկանալ, այդ թվում՝ Շուշիի հետ կապված... Ամբողջ պատերազմի ընթացքում ես տեղեկություններ ստացել եմ բացառապես ՊՆ-ից ու ԳՇ օպերատիվից»,- հավելել է Արծրուն Հովհաննիսյանը։
