▲ Դեպի վեր

lang.iso lang.iso lang.iso

Դի Դիկովսկին փայլուն ելույթ է ունեցել ուկրաինական «Голос Страны» նախագծում

Հայազգի ջազային երգչուհի Դիանա Դիկովսկին կամ ռուսական շոու բիզնեսում հայտնի Դի Դիկովսկին մասնկացության հրավեր է ստացել ուկրաինական ամենավարկանիշային նախագծից: «Голос Страны» (Голос країни (Voice of the Country) մրցույթի նախնական լսումները հաջողությամբ հաղթահարած երգչուհին կույր լսումներ փուլում հայերենով ու դուդուկի ուղեկցությամբ ներկայացրել է «Դլե Յաման» հայտնի ստեղծագործությունը:

Նախագծի անոնսից պարզ է դառնում, որ մարզիչներից շատերն են պտտվել, իսկ Դիանան ընտրել է ուկրաինական շոուբիզի ամենավառ աստղերից մեկին:

«Վաղուց էի ստացել առաջարկը, բայց միշտ երկմտում էի...6-րդ սեզոնում որոշեցի մասնակցել և հենց հայկական երգով: Ուրախ եմ, որ կարողացա հուզել մարզիչներին, պատմել իմ հայ լինելու ու հայկական արմատներիս մասին: Իսկ անակնկալները մյուս փուլերում շատ են, սակայն դրանց մասին դեռ իրավունք չունեմ խոսել»,-պատմում է երգչուհին և հավելում, որ այս տարի ևս, հավանաբար, կմասնակցի մեկ այլ միջազգային մրցույթի:

Դիանա Դիկովսկին հայտնի Իգոր Բուտմանի ակումբի ռեզիդենտն է, մոսկովյան ջազային ակումբների ցանկալի արտիստը և բազմաթիվ միջազգային մրցույթների դափնեկիր:

Կայք. www.dikovski.com

Այլ կայքերից և տելեգրամ-ալիքներից վերահրապարակումների սկզբնաղբյուրը նշվում է. Դրանցում տեղ գտած մտքերն ու ինֆորմացիան կարող են չհամընկնել խմբագրության տեսակետի հետ: Ձեր տեսակետը կամ հերքումը կարող եք ուղարկել info@asekose.am-ին, որը կհրապարակվի անմիջապես
Շոու-բիզնես ավելին