«Բնապահպանի տուն» ՀԿ-ն ֆեյսբուքյան էջում ահազանգում է.
«Ասեղնատերև ծառերը ՉԻ ԿԱՐԵԼԻ էտել Դիլիջան քաղաքի նոր քաղաքապետի հրամանով հենց հիմա էտում են Ջրհողերի թաղամասի եղևնիները։ Այդ փողոցը ամբողջ քաղաքի ամենագեղեցիկ վայրերից մեկն է։ Եղևնիները էտելը ոչ միայն անգրագիտության գագաթնակետն է, այլ նման բան նախաձեռնողին կարելի է շատ ավելի վատ բաներ ասել։ Էլ ուրիշ որտե՞ղ կտեսնեք, որ քաղաքապետը իր իսկ ձեռքով վարի տա քաղաքի այցեքարտերից մեկը։ ՏԱՐԱԾԵՆՔ ու դադարեցնենք այս հերթական էշությունը»։
Հիշեցնենք` շաբաթներ առաջ աղմուկ էր բարձրացել, որ վարչապետը Դիլիջանի քաղաքապետի ԺՊ էր նշանակել բենզալցակայանի նախկին աշխատակից Դավիթ Սարգսյանին. նա իր սեռի դիմաց գրել էր «արու»:
