Վերաքննիչ դատարանը մերժել է երեք քաղաքացու առևանգման և ապօրինի զենք-զինամթերք պահելու մեջ մեղադրվող Արթուր Ասատրյանի (Դոն Պիպո) խափանման միջոցը փոխելու բողոքը: Այս մասին հայտնել է պաշտպաններից Ռաֆայել Ամիրխանյանը:
Նա նշել է, որ Վերաքննիչի որոշումը դեռ չեն ստացել, սակայն առանց ստանալու էլ իրենց կարծիքով դատարանն «անհիմն» որոշում է կայացրել, քանի որ կալանքի տակ պահելու որևէ հիմնավորում թե´ առաջին ատյանի դատարանում, թե´ Վերաքննիչում չի ներկայացվել:
Պաշտպանը նաև հայտնել է, որ իրենք դատարան են ներկայացրել ի պաշտպանություն Արթուր Ասատրյանի 50 հազար քաղաքացիների ստորագրությունը, որը ոչ մի եկրպ չի ազդել Վերաքննիչի որոշման վրա:
Արթուր Ասատրյանի փաստաբանի խոսքով՝ իրենք կդիմեն ՀՀ Վճռաբել դատարան և ներպետական ատյանները սպառելուց հետո կդիմեն նաև ՄԻԵԴ:
