Արսեն Խառատյանը ֆեյսբուքյան իր էջում գրել է.
Բիզնեսն ու քաղաքաշինությունը նույն բանն են. Արթուր Մեսչյան
Երեւանի գլխավոր ճարտարապետ Արթուր Մեսչյանը բառացիորեն հայտարարում է, որ բիզնես ու քաղաքաշինությունը նույն բանն են:
Ավելին, Մեսչյանը նախատում է տարիներ շարունակ Երեւանի պատմամշակութային ժառանգության համար կռիվ տված, յուրաքանչյուր շենքի համար օրուգիշեր քունը կորցրած բազմաթիվ քաղաքացիների անմակարդակ անվանելով:
Ասում է. «Էսպիսի վերաբերմունքով, էսպիսի մոտեցումով, կներեք էսպիսի մակարդակով, դուք խոսում եք Կոնդի մասի՞ն, դուք ձեզ ձեռ եք առնո՞ւմ»:
Չէ պարոն Մեսչյան, կարծես թե Դուք եք մեզ ձեռ առնում, երբ հիմա` իբր սնանկացած «Գլենդել հիլզ»-ի 7 գլխանի դեւին պաշտպանելով մոռանում եք Ձեր գործառույթների մասին: Հիմա նույն ընկերությունը, նույն մարդկանցով ու կառուցապատողով մի քանի լոտի է բաժանվել ու շարունակում է այն` ինչ արել է նախկինում:
Կողմնորոշվեք, խնդրում եմ , պարոն գլխավոր ճարտարապետ, Դուք ինչի՞ համար եք այդ պաշտոնին: Եթե խոսում եք այն մասին, որ պատմամշակութային ժառանգության մասով դուք` որպես քաղաքապետարան, պատասխանատու չեք, ապա առավել եւս` Ձեր իսկ խոսքերով, 250 մլն դոլարի պոտենցյալ ներդրման հետ ի՞նչ գործ ունեք:
Ինձ մոտ այնպիսի տպավորություն է, որ Դուք եք Ձեզ ձեռ առել ու կարծես չեք հասկանում` ում հետ եւ ինչպես եք խոսում: Վերամբարձ դիրքերից նախատինքով խոսելու փոխարեն կխնդրեմ զբաղվեք Ձեզ վերապահված գործառույթների իրականացմամբ:
Ի դեպ, այս առումով հիշեցնեմ Ձեր իսկ հրապարակային խոստումը կարեւորագույն այս պաշտոնին նշանակվելիս. «Քանի դեռ ես գլխավոր ճարտարապետն եմ, Երեւանում այլեւս ոչ մի հուշարձան չի քանդվելու»:
Դիտեք նաև՝
Դիտեք նաև՝
