«Պարոն վարչապե՛տ, ձե՛զ եմ դիմում. բա էն դուխով գլխարկդ ո՞ւր է, մի հատ հագի, արի, ծնողների առջև կանգնի՝ առանց ոստիկանների: ԱԺ բեմում էդքան ոստիկաններով, սաղավարտներով, վահաններով շրջապատված, մուկն էլ բերեք՝ էդպես կթփրտա, բա եկեք մի հատ ծնողների դեմը կանգնեք էլի, մեզ հետ խոսեք. գլխարկը կորցրե՞լ եք, կնվիրենք էդ «դուխով» գլխարկը»,- խոսքն ուղղելով ՀՀ վարչապետին՝ հայտարարել է 5165 շարժման առաջնորդ Կարին Տոնոյանը:

Հավելենք, որ ավելի վաղ ԲԴԽ նախագահն առաջարկել է հանդիպել զոհված զինծառայողի 5 ծնողի հետ. վերջինները մերժել են՝ պահանջելով իջնել:

«Այս շենքում կա նիստերի դահլիճ, թող ընդունեն ծնողներին: Էստեղ ամենաշատը կլինեն 50-60 ծնողներ, եթե տեղ չլինի, միջանցքում կկանգնենք: Բոլոր ծնողներով ենք բարձրանալու, փոխանցե՛ք իրենց: Հուսով եմ՝ ծնողների հետ ընդհարում չեն ուզում»,- ԲԴԽ-ի մոտ դիմելով ոստիկանին՝ ասել է 5165 շարժման առաջնորդ Կարին Տոնոյանը:

Ավելի ուշ հայտնի դարձավ, որ ծնողների պահանջը բավարարվել է: