«Ցանկացած օրգանիզմ իր շարժողունակությամբ պետք է ապացուցի իր կենսունակ լինելը, իսկ մեր բանակը ապրիլյան պատերազմից առաջ բազկաթոռին նստած հաճույք էր ստանում: Շատ քիչ էինք առաջ շարժվում: Հիմա այդպես չէ: Բանակին մեծ տեղ են տալիս, տեխնիկապես հագեցած է 20-30 անգամ ավելի լավ: Բանակը միշտ պետք է լարված լինի.կամ պետք է պարապեն, կամ հակառակորդին ծեծեն: Երեխեքին պետք է լավ մարզենք, որ գնանք Բաքուն ոչնչացնենք՝ առանց ռուսի վրա հույս դնելու: Ուրիշ եղանակ չկա: Անպայման պետք է հարձակողական գործողություններ կատարենք, որովհետև հակառակորդին ինչքան էլ ծեծես՝ ջրի նման քարդ տաշելու է: Պետք է ակունքները չորացնես, որ ջուր չունենա»,-լրագրողների հետ հանդիպման ժամանակ ասաց Առաջին հետախուզադիվերսիոն ջոկատի հրամանատար Վովա Վարդանովը:
Նրա հետ չհամաձայնեց գնդապետ Հովհաննիսյանը.
«Ցանկացած ռազմական գործողություն սկսվում է պաշտպանական ռեսուրսներից: Այսօր մեզ շրջապատում է 107 միլիոն թուրքական էթնոսը: Մեր գերխնդիրը պետք է լինի սահմանների ամրապնդումն ու պատերազմին դիմակայելը, խոհեմ գործելը: Պաշտպանենք Արցախը, հզորացնենք Սյունիքն ու մտածենք Նախիջևանի մասին»,-նշեց նա:
Անի Կարապետյան