Ես հիմա կարող է մի փոքր սենսացիոն բան ասեմ, բայց ես ընդհանրապես մտածում եմ, որ Երեւանի գլխավոր ճարտարապետի պաշտոնը պետք է որոշակի մոդիֆիկացիայի, փոփոխությունների ենթարկվի, եւ դա կարող է այլեւս չլինել Երեւանի գլխավոր ճարտարապետ:
Այս մասին այսօր լրագրողների հետ զրույցում հայտնել է Երեւանի քաղաքապետ Հայկ Մարությանը՝ անդրադառնալով հարցին, թե արդյոք ինքն ունի Երեւանի գլխավոր ճարտարապետի պաշտոնի համար իր նախընտրելի թեկնածուն:
Նրա խոսքով՝ դա կարող է մի մարմին, մի խորհուրդ լինել, այսինքն մի այլ բան, որի շուրջ իրենք հիմա աշխատանքներ են տանում։
