▲ Դեպի վեր

lang.iso lang.iso lang.iso

ՎԵՐՋԻՆ ԼՈւՐԵՐԸ

Սուրիկ Խաչատրյանի նկատմամբ հայտարարվել է հետախուզում. խափանման միջոց է ընտրվել կալանավորումը

Դատարանն արձանագրել է Արսեն Բաբայանի իրավունքների խախտման փաստը. փաստաբան

60 օր է ասում եմ առանց տեղումների եղանակ․ Գագիկ Սուրենյանը ձանձրացել է

Քիմ Քարդաշյանը տարածել է Հայոց ցեղասպանության խորհրդանիշի՝անմոռուկի պատկերը և գրառում արել

Որևէ մեկի մոտ չէի տեսել նման ընդգծված հայրենասիրություն. այսօր Րաֆֆի Հովհաննիսյանը դառնում է 60 տարեկան

Վահե Պարազյանից պահանջում են ներողություն խնդրել Սամվել Կարապետյանի ընտանքից, կամ մեռնել

Ինչ-որ մի գազելի շոֆեր ուզում էր վիզս կտրեր... Արտյոմ Կարապետյան

Զավեշտալի. «Մանախի» հովանավորյալին համակարգից հեռացնելու փոխարեն՝ պարգեւատրում են

ՊԵԿ-ը հարցաքննել է Ծառուկյանի իտալացի գործընկերոջը. Վերջինս մեկնել է ՀՀ-ից

Ֆուտ­բո­լա­յին խայ­տա­ռա­կու­թյան քա­ղա­քա­կան «նրբե­րանգ­նե­րը». ՀՖՖ-ում դեմարշ է. . .

Արտառոց նշանակում ՊՆ-ում. բարձր պաշտոն է ստացել մեղադրյալի կարգավիճակ ունեցողը

«Վերնատունը» համաժողով կանի Արցախում. Նրանք կաջակցեն Վիտալի Բալասանյանին

«Ասեմ, իմացիʹր, պարոն վարչապետ». Էդուարդ Շարմազանով

Փաշինյանը՝ 9:1 հաշվով ջախջախիչ պարտության մասին

Սերժ Սարգսյանի գրասենյակը հայտարարություն է տարածել՝ Փաշինյանի հետ իբրև թե եղած շփումների մասին

Վրացիները չէին սիրում հայերին, հայերը՝ ադրբեջանցիներին. Պոզներ

Մովսես Հակոբյանը նշանակվեց ՊՆ ռազմական վերահսկողական ծառայության պետ, Քոչունցը՝ տեղակալ,. . .

Իրավապահներին Հայաստանում բոլոր օրենքով գողերի անունները հայտնի են. Ռուստամ Բադասյան

Նիկոլ Փաշինյանը ռուսաստանցի լրագրողների հետ հանդիպմանը պատասխանել է Գարեգին Նժդեհի մասին հարցին

Բաքուն պետք է ճանաչի ԼՂ անկախությունը, իսկ ԼՂՀ-ն՝ վերադարձնի 5 շրջան. Զատուլին

Ոստիկանները բացահայտել են երեխաների ապօրինի որդեգրման դեպքեր

Ի՞նչ կկատարվի քրեական աշխարհում. ԱԺ-ն քննարկում է «օրենքով գողերին» առնչվող օրինագիծը

Oбращать լինել պետք ա՞ գրեին, որ հասկանայինք ինչի մասին ա խոսքը. Սուրեն Գրիգորյան

Ողջի գետը դարձյալ աղտոտվել է. ահազանգ

Օրենքով գողի հետ նույն խցում մի քանի ամիս անցկացրել եմ...Արման Բաբաջանյան

«Вор должен сидеть в тюрьме». քննարկվում է քրեական ենթամշակույթի վերաբերյալ նախագիծը

Սերժ Սարգսյանը մեկնել է Խորվաթիա

9:1 հաշվով պարտության համար թիվ մեկ պատասխանատուն Արթուր Վանեցյանն է․ Արեն Մկրտչյան

Արտակարգ դեպք Երևանում. բժիշկներին հաջողվել է փրկել տան 7 անդամների կյանքը, այդ թվում՝ 1 տարեկան երեխայի

Կատարը չեղարկում է Հայաստանի քաղաքացիների համար մուտքի արտոնագրի պահանջը

Նիկոլ Փաշինյանն ու Աննա Հակոբյանը 28 հոգուց բաղկացած պատվիրակությամբ մեկնում են Իտալիա

ԱԱԾ-ն ձերբակալել է Ոստիկանության Թումանյանի բաժնի պետին

Նա քեզ պես 100-ավոր երիտասարդների է դասավանդել, թերևս մի քանիսն էլ քեզ պես ամբարտավան են. . .

Զատուլինը Պոզներին հայտնել է Արցախյան խնդրի լուծման բանաձևը

Ի՞նչ է տալիս դատավճիռն,ըստ որի չկան Լիդիանի ՇՄԱԳ-ը չեղյալ հայտարարելու համար ի հայտ եկած նոր գործոններ

Նա չի կարող լինել մեզանից մեկը. Հայաստանի մի շարք մարզական ֆեդերացիաներն ու մարզիկները՝ Մել. . .

Իմ տերն Աստված է, ես միակ մարդկանցից եմ, որ տերեր չեմ փնտրել մինչև էսօր. Վարդան Ղուկասյան

Եկել է ժամանակը, որ չբաժանենք մեզ հայաստանցիների և սփյուռքահայերի. Արմեն Սարգսյանը՝ Կատարի հայ. . .

Եթե Նարեկացին, Ներսես Շնորհալին մեղավոր են, ես ո՞վ եմ, որ մեղավոր չլինեմ. Վարդան Ղուկասյան

Մելին դարձրել են հերոս, իսկ հայ հասարակությանը հրեշ, սա կոնկրետ հայատյացության քարոզ է. Անահիտ Մութաֆյան

Նուբարաշենի հոգեբուժարանի հատուկ բաժանմունքում հիվանդները հացադուլ են հայտարարել. մեկը. . .

Տղա եղե՛ք. իրեն հարգող տղամարդու համար չի կարող մեկ լինի, թե ինչ է կատարվում իր տանը. Գևորգ Գրիգորյան

Հայաստանի նախագահ Արմեն Սարգսյանի տիկինը երեխաների համար կարդացել է իր գրած հեքիաթը

600 միլիոն դրամի ներդրում և նոր աշխատատեղեր՝ Հրազդանի կարի արտադրամասում

Լավ չի, չէ՞...Արարատ Միրզոյանը՝ Գևորգ Պետրոսյանին

Կատարի հայ համայնքի կյանքն այսուհետ էապես կփոխվի. Արմեն Սարգսյանը Դոհայում այցելել է ՀՀ դեսպանություն

Փիղը մտնում ա մրջյունների ռեստորան. Արարատ Միրզոյանն անեկդոտ պատմեց

Նոր Հայաստանում 21-րդ դարին հարիր ձևաչափեր պետք է կիրառվեն. Հայկակ Արշամյան

Հա ասեցի՝ նորմալ խոսամ, էլի անցնեմ իմ պատկերավոր համեմատությունների՞ն. Գևորգ Պետրոսյան

Ամբողջ համացանցը ողողված է այս ամենով. Արփի Գաբրիելյանի գրառումը՝ քննարկումներից հետո

Ես իմ ծառայակցին չեմ սպանել, ծեծելով ցուցմունք են կորզել, շինծու գործ սարքել. բաց նամակ` Նիկոլ Փաշինյանին

 


2003 թվականից ցմահ ազատազրկման դատապարտված Արթուր Քոչարյանը բաց նամակ է գրել վարչապետ Նիկոլ Փաշինյանին՝ պատմելով իր հետ կատարված դեպքի պատմությունը.

«Հարգելի պարոն Փաշինյան, ես՝ ցմահ դատապարտված Արթուր Քոչարյանս, այս նամակով դիմում եմ Ձեզ՝ ներկայացնելու իմ կյանքի վերջին 14 տարիների պատմությունը, որի մասին բազմիցս բարձրաձայնել եմ, սակայն՝ ոչ մի արձագանք:

Հարգելի վարչապետ, ինչպես դուք և տիկին Աննան՝ ձեր որդուն, այնպես էլ ծնողներս, 2003 թ.-ին՝ հպարտ ու երջանիկ, ինձ ճանապարհեցին բանակ. տա Աստված, որ մեր արի ու քաջ բոլոր զինվորները ողջ և առողջ վերադառնան իրենց սուրբ օջախները: Ես տուն չվերադարձա, մայրս չապրեց ինձ դիմավորելու երջանկությունը, այլ արցունքը աչքերին, մայրական կարոտով սպասում է վերադարձիս:

2003 թ.-ի հունիսի 20-ին զորակոչվեցի ծառայության ԼՂՀ՝ հայրենի սահմանները պաշտպանելու: Ծառայությանս ամեն օրը անցկացրել եմ հպարտության զգացումով, ինչպես նաև՝ գիտակցումով, որ հայրենիքի նկատմամբ ունեցած  պարտքս կատարելուց  հետո երջանիկ վերադառնալու եմ տուն, չիմանալով, թե ինչպիսի շրջադարձ է տեղի ունենալու:

 

 

 

 

 

 

2004թ.-ի Սեպտեմբերի 21-ի առավոտյան հայտնաբերեցին ժամկետային զինծառայող, լուսահոգի Արթուր Մեսրոպյանի դին, որը 2 օր համարվում էր անհետ կորած, ում ծնողները ևս իրենց որդուն ճանապարհել էին ծառայության, սակայն որդու փոխարեն նրա դին դիմավորեցին:

Կատարվածի հանգամանքները պարզելու նպատակով ինձ և մի շարք զինծառայողների տարան ԼՂՀ Ստեփանակերտի ռազմական ոստիկանություն, որտեղ մոտ 1 ամիս տարբեր մեթոդներով ճնշումներ գործադրելով՝ փորձում էին ինքնախոստովանական ցուցմունք կորզել, սակայն ես չէի կարող խոստովանական ցուցմունք տալ, քանի որ որևէ առնչություն կատարվածի հետ չեմ ունեցել. նշեմ, որ այդ ժամանակ քննիչը Ա. Փիլոյանն էր:

Մոտ 20 օր նույն մեթոդաբանությամբ՝ ծեծ ու ջարդով, փորձում էին ինքնախոստավանական ցուցմունք կորզել և 20 օր անց, գործը չբացահայտելուց հետո մեզ տեղափոխեցին ՀՀ Ռազմական ոստիկանության Երևանի վարչություն, նշեմ, որ ՌՈ վարչության պետը նախկին ոստիկանապետ Վովա Գասպարյանն էր, ՌՈ-ում նա փոխարինեց գործով քննիչին, քննիչ Արմեն Հակոբյանը, որը շինծու քր. գործեր սարքողի ստատուս ուներ, նշանակվեց ՀՀ ՃՈ պետ՝ Վլադիմիր Գասպարյանի հրամանով:

Մեկ  ամիս օր ու արև չտալով, ՀՀ ՌՈ-ում քննիչ Արմեն Հակոբյանը ստիպում էր, որ իր թելադրանքով  ցուցմունք տանք, եթե ուզում ենք տուն վերադառնալ, ինձ ասում էր, մեջբերում եմ բառացի՝ ոնց ասում եմ, տենց գրի, կգնաս տուն: Ինչպե՞ս կարող է մարդը զրպարտչական ցուցմունք տալ, եթե կատարվածին անտեղյակ է, սակայն անտեղյակ ու անմեղ լինելս չխանգարեց քննիչ Ա. Հակոբյանին նույն ոճով գտնել մեկի, ով ցուցմունք կտա իր թելադրանքով, այդ մեկը Անդրանիկ Կարապետյանն էր, ով քննիչի թելադրած ցուցմունքով դարձել էր սպանության մասնակից, սակայն, չգիտես՝ ինչ հրաշքով, սպանության մասնակից լինելու, օժանդակելու համար դատապարտվեց 1 տարի և ազատ արձակվեց դատարանի դահլիճից, այնինչ ՀՀ Քր. օր.-ի համաձայն, սպանություն կատարելու կամ օժանդակելու համար այն ժամանակ ամենաքիչը 6 տարվա ազատազրկման պետք է դատապարտվեր: Այս ամենը շեշտում եմ, որպեսզի բոլորին պարզ լինի քննիչ Արմեն Հակոբյանի աշխատելաոճը:

Վերջինս նույն բանն ինձ էր առաջարկում և երկու այլ տղաների, սակայն քննիչին հաջողվեց Անդրանիկ Կարապետյանից ստանալ զրպարտչական ցուցմունք, իսկ Ա. Կարապետյանը ուներ վախի պատճառ՝ քննիչի թելադրանքով ցուցմունք տալու, այն է՝ Ա. Կարապետյանի եղբոր՝ Գրիգոր Կարապետյանի զինվորական համազգեստի վրայից հայտնաբերվել էին արյան հետքեր, որոնք համապատասխանում էին լուսահոգի Արթուր Մեսրոպյանի արյան հետ:

 

 

 

 

 

 

Հուսով եմ՝ արդեն հասկանալի է դառնում այս շինծու քր. գործի շղթան, այն հանցախումբը, որի թեթև ձեռքով արդեն 14 տարի է՝ չկատարած հանցանքի համար  դատապարտված եմ  ցմահ ազատազրկման:

Բացի այն, որ Անդրանիկ Կարապետյանի տված ցուցմունքը Արմեն Հակոբյանի թելադրանքն է, այստեղ առկա են բազմաթիվ հակասություններ և եթե գործեր արդարադատությունը, ապա Անդրանիկ Կարապետյանին մեղադրանք կառաջադրվեր՝ կեղծ ցուցմունք տալու ծանր հանցագործության մեջ մեղադրանքով: Բացի այդ, քրեական գործում չկա գեթ մեկ վկա, ով հաստատում է Անդրանիկ Կարապետյանի ցուցմունքի իրական լինելը և իմ մասնակցությունը այդ ամենին, ընդհակառակը, ինձանից վերցված բոլոր փորձանմուշները էքսպերտիզայի ենթարկելուց հետո փորձագետը իր եզրակացության մեջ հստակ նշում է, որ կասկածյալից վերցված փորձանմուշները կատարված սպանության հետ որևէ առնչություն չունեն. այս ամենից պարզ է դառնում, որ քննիչ Արմեն Հակոբյանի թալադրանքով Անդրանիկ Կարապետյանի տված զրպարտչական ցուցմունքը շինծու է: Հարկ եմ համարում նշել, որ  նախկին պաշտոնյաներ՝ զինդատախազ Գագիկ Ջհանգիրյան, նախկին ՌՈ վարչության պետ Վլադիմիր Գասպարյան, քննիչ Արմեն Հակոբյան եռյակը ժամանակին նույն մեթոդով սարքել էր հայտնի Մատաղիսի գործը, իսկ տարիներ անց այդ գործով անցնող տղաները անմեղ ճանաչվեցին Եվրոդատարանի վճռով: Այստեղից ևս հետևություն. սույն  եռյակի պաշտոնավարման տարիներին բանակում կատարված հանցագործությունների բացահայտումները չեն ընթացել օբյեկտիվ, ճիշտ ճանապարհով, այլ սարքվել են այնպես, ինչպես ցանկացել են Գ.Ջհանգիրյանը, Վ. Գասպարյանն և Ա.Հակոբյանը:

Հարգելի պարոն Փաշինյան, այս 14 տարիների ընթացում պայքարել եմ՝ ձայնս տեղ հասցնելու ու լսելի դարձնելու համար, սակայն բոլոր ատյաններից, բոլոր կառույցներից և անհատներից ստացել եմ նույնաբովանդակ պատասխան, այն է ՝ վճիռը օրինական ուժի մեջ է մտել և գործը վերանայելու համար երևան եկած նոր հանգամանք չկա:

Հարգելի վարչապետ, դուք քաջատեղյակ եք նախկին իշխանության օրոք գործող արդարադատությունից. այն միշտ եղել է վերևների հրամաններով, զանգերով: Միանշանակ, հանմաձայն կլինեի այն օրենքի հետ, որը ասում է՝ քրեական գործը վերանայվում է այն դեպքում, երբ ի հայտ է գալիս նոր երևան եկած հանգամանք, այն դեպքում, եթե հետ գնանք ու  տեսնենք, թե առկա քրեական գործում դատարանը ինչ հագամանքներում է վճիռներ կայացրել:

Ինչպե՞ս է գործում հստակ մեկ օրենք, երբ դրան դրդող մեկ այլ օրենք խախտվում է և դրա հետևանքով ճակատագրեր են կործանվում, ավելի հստակեցնեմ ասածս՝ եկեք հետ նայենք ու տեսնենք, թե  ինչ հիմնավոր հանգամանքներով է իմ հանդեպ կայացվել վճիռը, հետո նոր ինձանից թող պահանջեն նոր երևան եկած հանգամանք ՝ գործը հետաքննության ուղարկելու համար: Այսինքն՝ նախկին իշխանությունները ինձ դատապարտում են առանց հանգամանքի և վճռի օրինական ուժի մեջ մտնելուց հետո հանգամանք են ուզում՝ գործը վերանայելու համար, դա նշանակում է, որ մարդուն կարելի է անմեղ, անհիմն դատապարտել, կործանել կյանքը ու լինելով անմեղ, նոր երևան եկած հանգամանք չլինելու դեպքում թողնել, որ դանդաղ մահանա:

Պարոն Փաշինյան, թավշյա հեղափոխությունից հետո Հայաստանում մարդկանց աչքերում ժպիտ հայտնվեց, ես նույնպես լցվեցի այն հույսով, որ ձեր իշխանավարության ընթացքում վերջ կդրվեն նախկին իշխանությունների անօրինություններին, վստահ եմ, որ կալանավայրերում գտնվողների հոգիներում հայտնված հույսերը ևս կարդարացվեն՝ ձեր անմիջական միջնորդությամբ կվերանայվեն նմանատիպ գործերը ու կկայացվեն արդար վճիռներ, քանի որ այստեղ շատ են այնպիսիք, ովքեր դատապարտվել են վերոնշյալ նախկին պաշտոնյաների շինծու գործունեության հետևանքով: Լիահույս եմ, որ ձեր օրոք կգործի արդարադատությունը, որը չի գործել վերջին 25 տարիներին:

Հարգարժան վարչապետ, խնդրում եմ՝ վերականգնենք արդարությունը, թույլ տվեք վերանայել ինչպես այս, այլև՝ նմանատիպ գործերը, չէ՞որ դուք տարիներ շարունակ պայքարել եք այսօրվա Հայաստանի համար, որտեղ պետք է պաշտպանված լինի յուրաքնաչյուրի իրավունքը ու կպատժվեն իսկական հանցագործները: Հույս ունեմ, որ կլսեք խնդրանքս, կվերականգնեք արդարությունը, ինչից հետո միայն  ծնողներս նույն երջանկությամբ կկարողանան դիմավորել ինձ, ինչպես 14 տարի առաջ  բանակ էին ճանապարհել:

Հարգանքներով՝  Ա.Գ. Քոչարյան

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել Asekose.am-ի խմբագրության տեսակետների հետ: Նյութերի ներքո` վիրավորական ցանկացած արտահայտություն կհեռացվի կայքից:
Հասարակություն ավելին