Էկոնոմիկայի նախարարի պաշտոնակատար Վահան Քերոբյանը ֆեյսբուքյան իր էջում գրել է, որ տնտեսական ակտիվության ցուցանիշն ապրիլին` +23.2%, իսկ առաջին չորս ամսվանը` +2.6%»։

Փաստաբան Երվանդ Վարոսյանն այս առիթով ֆեյսբուքյան իր էջում գրել է․ «Էս պլանից որտե՞ղ են ծախում, ո՞վ է տեղյակ... Աննախադեպ որակի պլան է»։

Թեմայի վերաբերյալ քաղաքագետ Գագիկ Համբարյանն էլ գրել է․ «Էկոնոմիկայի նախարարի հերթական սո՞ւտը
Քիչ առաջ էկոնոմիկայի նախարար Վահանը գրառում է կատարել և հայտնել, որ ապրիլին, նախորդ տարվա համեմատ մեր ՀՆԱ-ն աճել է 22,3 տոկոսով, իսկ 4 ամսվա կտրվածքով` 2,3 տոկոսով...
Ես ուրախ կլինեի, եթե...
Ասեմ, որ Վիճակագրական կոմիտեն ապրիլի վերաբերյալ որևէ տվյալ դեռ չի հրապարակել, և Վահանի տվյալները ոչ պաշտոնական են...
Երկրորդ, նույն այս նախարարը, երբ մարտի վերաբերյալ տվյալներ դեռ չէին հրապարակվել լրագրողներին ասեց, որ մարտին ՀՆԱ-ի աճը կազմելու է 7,5 տոկոս, որը սուտ էր... Վիճակագրական կոմիտեի մարտի ցուցանիշների վերաբերյալ հրապարակումից պարզ դարձավ, որ ՀՆԱ-ն աճել է 3,8 տոկոս...
Չեմ զարմանա, որ այս անգամ նույն պատկերին ականատես կլինենք ու Վիճկոմիտեի ապրիլի վերաբերյալ տվյալների հրապարակումից պարզվի, որ նախարար Վահանն այս անգամ ևս իրական թիվը կրկնապատկել է ու հասարակությանը մատուցում է ապատեղեկատվության հերթական չափաբաժինը...»: