▲ Դեպի վեր

lang.iso lang.iso lang.iso

«Եթե հատուկ գործողությամբ այդ հարցը չլուծվի, մենք ազգաոչնչացման ականատեսը կլինենք». Րաֆֆի Հովհաննիսյան

«Գործող իշխանությունն ինքն իրեն պետք է հաղթահարի, պետք է ընդունի, որ չի կարողացել իրացնել իր պարտականությունը և պետք է ինքնահեռացման բանաձև գտնի ու այդպես ինքնամաքրվի։ Նախկին իշխանությունը, որը ևս պատասխանատվություն է կրում, նույնպես պետք է ոչ թե ներողություն խնդրի, այլ իր էական սխալներն ընդունելով՝ ինքնամաքրվի»։

«Ժառանգություն» կուսակցության հիմնադիր, ՀՀ նախկին արտգործնախարար Րաֆֆի Հովհաննիսյանը այս մասին խոսել է  Ֆակտոր TV-ին տված հարցազրույցի ընթացքում՝ անդրադառնալով  երկրում ստեղծված իրավիճակի հանգուցալուծումներին։ 

Ամփոփելով տարին՝ Հովհաննիսյանն արձանագրել է. «Մենք ունենք շրջափակված Արցախ, պատերազմի եզրին գտնվող Ջերմուկ, հակառակորդի հսկողության տակ գտնվող ՀՀ ինքնիշխան տարածքի ճանապարհներ և անվտանգության երաշխավորներ՝ թե՛ դաշնակիցներ, թե՛ միջնորդներ, և թե՛ ՀՀ իշխանություններ, որոնք այդ գործը չեն անում։ Եթե հատուկ գործողությամբ առաջիկա օրերի կամ շաբաթների ընթացքում այդ հարցը չլուծվի, մենք ազգաոչնչացման հաջորդ արարի ականատեսը կլինենք»։

Վերահրապարակումներում` մտքերն ու ինֆորմացիան կարող են չհամընկնել խմբագրության տեսակետի հետ: Ձեր տեսակետը կամ հերքումը կարող եք ուղարկել info@asekose.am-ին
Քաղաքականություն ավելին