ԱԺ պատգամավոր Արման Աբովյանն իր ֆեյսբուքյան էջում գրել է․
Եվս մեկ ապտակ մեզ՝ բոլորիս։ Եվ չհամարձակվեք մեղադրել իրանցիներին, նրանք պարզապես արձանագրում են այս իշխանությունների համընդհանուր աբսուրդային գործելաոճը արտաքին ճակատում (շշաաատտ մեղմ ասած): Եվ նորից, եթե անցնելու լինեք ՀՀ ԱԳՆ-ի մոտով՝ տվեք նրանց դռան զանգը և հարցրեք՝ նրանք ինչ-որ բան ունե՞ն ասելու այս մասով:
...
Ռեիսին շնորհավորել է Ալիևին «Ադրբեջանի տարածքները հաջողությամբ ազատագրելու առթիվ»։ Ինչպես IRNA- ն է հայտնում, Իսլամական Հանրապետության նորընտիր նախագահ Իբրահիմ Ռեիսին պատասխանել է Ադրբեջանի նախագահ Իլհամ Ալիևի շնորհավորական ուղերձին ՝ նշելով. «Շնորհակալություն ջերմ շնորհավորանքների համար ՝ Իրանի Իսլամական Հանրապետության նախագահ ընտրվելու կապակցությամբ:
Օգտվելով առիթից ՝ ես շնորհավորում եմ ադրբեջանական ժողովրդին ՝ Ադրբեջանի տարածքները հաջողությամբ ազատագրելու առթիվ: Երկու բարեկամական եղբայրական երկրների հարաբերությունները հիմնված են եղբայրական կապերի, երկու ժողովուրդների ընդհանուր պատմության և մշակույթի վրա, ինչը լայն հնարավորություններ է ստեղծել երկկողմ հարաբերությունների խորացման և զարգացման համար: Կարծում եմ, որ գրավյալ տարածքներում Ադրբեջանի ինքնիշխանության հաստատման և երկու երկրների ընդհանուր սահմանների վերականգնման հիմնական գործընթացում արժե օգտագործել նոր հնարավորություններ, համատեղ ջանքերով բարձրացնել համագործակցության մակարդակը և ամրապնդել անվտանգության և կայունության մակարդակը տարածաշրջանում»:
