Հատուկ քննչական ծառայությունը մերժել է ԱԺ «Բարգավաճ Հայաստան» խմբակցության ղեկավար Գագիկ Ծառուկյանի դեմ քրեական գործի հարուցումը, այս մասին տեղեկացրել է ՀՔԾ մամուլի քարտուղար Մարինա Օհանջանյանը՝ նշելով, որ նախապատրաստված նյութերով քրեական գործի հարուցումը մերժվել է հանցադեպի բացակայության հիմքով:
Ավելի վաղ հայտնել էինք, որ «Քաղաքացու որոշում» կուսակցությունը դիմում էր ներկայացրել Ազգային ժողովի նախագահ Արարատ Միրզոյանին և ՀՀ գլխավոր դատախազ Արթուր Դավթյանին` «Բարգավաճ Հայաստան» խմբակցության ղեկավար Գագիկ Ծառուկյանին մանդատից զրկելու և նրա նկատմամբ քրեական հետապնդում հարուցելու պահանջով: Դիմումը գլխավոր դատախազությունը փոխանցել էր ՀՔԾ-ին: