Լրագրող Ոսկան Սարգսյանի գրառումը.
«Սահմանագծման և սահմանազատման անվան տակ Ադրբեջանին նոր տարածքներ, Սյունիքով միջանցք տալուց հանրության ուշադրությունը շեղելու համար Նիկոլ Փաշինյանին աղմկոտ նոր շոուներ են պետք, ինչքան այդ շոուներում ընդգրկված անձանց անունները հայտնի են, այնքան հասարակությունը շեղվում է հիմնական օրակարգից։ Գլխավոր դատախազությունը դիմել է դատարան՝ նախկին ոստիկանապետ Վլադիմիր Գասպարյանի և նրա ընտանիքի անդամների ապօրինի գույքը բռնագանձելու նպատակով։
Գասպարյան Վլադիմիրը շատ բան գիտի թավշյա հեղափոխություն կոչված քաղաքական դավադրության ներսի գործակալների մասին, եթե նա իր թաքուն մատյանները բացի, շատերի կյանքի ուշագրավ դրվագներ ջրի երես դուրս կգան։
Հիշո՞ւմ եք, թե ինչպես էին Վ. Գասպարյանի Սևանի առանձնատան ցանկապատի պատի մի փոքր մասը քանդում, հայտնի լրատվամիջոցով շոու անում, թե Վ․ Գասպարյանի լճամերձ առանձնատունը քանդում են։
Վ․ Գասպարյանը հո այնպես չէր գոռում՝ ես Գասպարյան Վովան եմ։
Այդ խոսքերի հետևում միայն հզոր դոպինգը չէր, Գասպարյան Վովան, իսկապես, առանցքային դեմք է»:
