Ռուսական «Գազպրոմ» ընկերությունը պատրաստվում է դատի տալ թուրքական այն ընկերություններին, որոնց հետ գազի սակագնի հարցում չի հաջողվել համաձայնության գալ։ Թուրքական «Dunya» լրատվական կայքը, հղում անելով ռուսական աղբյուրներին, հայտնում է, որ չնայած նրան, որ ռուս-թուրքական հարաբերությունները կարգավորման փուլ են մտել, գազի հարցում կոնֆլիկտը գնալով խորանում է։ Ըստ աղբյուրի՝ «Գազպրոմը» Ստոկհոլմի արբիտրաժային դատարանում հայց կներկայացնի թուրքական մի քանի մասնավոր կազմակերպությունների դեմ, որոնք չեն ընդունել 2017 թվականի համար իր սահմանած գազի սակագինը, համարելով այն բարձր և զեղչ պահանջել։ Ներկայումս նախապատրաստվում են փաստաթղթերը։ Վերոնշյալ թուրքական կազմակերպությունները երկրում տարեկան 10 միլիարդ ք/մ գազ են վաճառում։

Աղբյուր` Ermenihaber