Ռազմավարական հետազոտությունների ղեկավար Ալվինա Աղաբաբյանը ֆեյսբուքյան իր էջում գրել է.
«Էս պլանավորված ու խաղարկվող շարունակական «պարտությունների պատերազմին» պետք է վերջ տալ։ Թշնամին Գեղարքունիքից Սյունիք ինչքան կարևոր բարձունք կա, փորձում է իրենով անել և շատ դեպքերում արդեն հաջողել է։
Հասկանո՞ւմ եք, որ հաջորդ մոտալուտ պատերազմի մեջ մենք մտնելու ենք ամենավատ ելքային դիրքերից։
Գիտակցո՞ւմ եք, որ «Թուրքը Երևան է հասնելու»-ն ֆանտաստիկայի ժանրից չէ»։
Հավելենք, որ ժամը 15։00-ի դրությամբ իրադրությունը ՀՀ արևելյան սահմանագոտում էական փոփոխություններ չի կրել։ Այս մասին հայտնում է ՀՀ ՊՆ-ն։
Ընթանում են տեղային մարտեր՝ հրետանային միջոցների, զրահատեխնիկայի և տարբեր տրամաչափի հրաձգային զինատեսակների կիրառմամբ։
Հակառակորդն ունի զրահատեխնիկայի և մարդուժի մեծ կորուստներ։ Հայկական կողմից զոհերի և վիրավորների մասին տվյալները ճշտվում են։ Այս պահին հստակ հայտնի է 4 վիրավորի մասին։
