«Հաց բերող» Արթուր Սարգսյանի մահվան փաստի առթիվ քրեական գործ է հարուցվել՝ ՀՀ քրեական օրենսգրքի 130-րդ հոդվածի 2-րդ մասի (բժշկական օգնություն ու սպասարկում իրականացնողների կողմից մասնագիտական պարտականությունները չկատարելը կամ ոչ պատշաճ կատարելը, որն անզգուշությամբ առաջացրել է բուժվող հիվանդի մահը) հատկանիշներով: Այդ մասին Asekose.am-ին տեղեկացնում են Քննչական կոմիտեի լրատվական ծառայությունից:
Ավելի վաղ Asekose.am-ը տեղեկացրել էր, որ Քննչական կոմիտեի նախագահի հանձնարարությամբ, վարույթն իրականացնող մարմինը տուժող Արթուր Սարգսյանի հարազատներին կամ նրանց կողմից առաջարկված մասնագետներին հնարավորություն կընձեռի ցանկության դեպքում, մասնակցել դատաբժշկական փորձաքննության կատարմանը գործող օրենսդրության շրջանակներում:
