Հալեպում ՀՀ գլխավոր հյուպատոսն ու մարդասիրական խումբը լքել են երկիրն՝ առանց համայնքին տեղեկացնելու
«Մենք տեղյակ չենք եղել, որ Հալեպում ՀՀ գլխավոր հյուպատոսը և Հալեպի տարածաշրջանում առաքելություն իրականացնող ՀՀ-ի հումանիտար ականազերծման և բուժաշխատողների մասնագիտական խումբը բախումներից առաջ լքել է քաղաքը, համայնքը տեղյակ չէր սրա մասին:
Տեղեկացանք մենակ այն ժամանակ, երբ նրանք արդեն լքել էին քաղաքը: Բարեբախտաբար հայկական համայնքում տուժածներ չկան: Կապը պահում ենք բոլորի հետ, բայց այս պահին բոլորս էլ անորոշության մեջ ենք»։
Հալեպի «Գանձասար» շաբաթաթերթի խմբագիր
Զարմիկ Պողիկյան
***
Սիրիայի կառավարական ուժերը նահանջել են՝ YPG-ին (ահաբեկչական Քրդստանի աշխատավորական կուսակցության սիրիական թևը) թողնելով Հալեպում մի շարք ռազմավարական օբյեկտներ, այդ թվում՝ միջազգային օդանավակայանը։ Այս մասին հայտնում է Anadolu-ն։
Տեղական աղբյուրներից ստացված տեղեկությունների համաձայն, այն բանից հետո, երբ Սիրիայի իշխանությունների դեմ զինված ընդդիմադիր խմբերը ներխուժեցին Հալեպի կենտրոնական հատված, կառավարական ուժերը լքեցին րոշ ռազմավարական օբյեկտներ։
Նոյեմբերի 30-ի առավոտվա դրությամբ Ասադի ռեժիմի ուժերը շրջանի արևելյան հատվածում գտնվող Հալեպի միջազգային օդանավակայանը, հյուսիսում գտնվող Նուբբուլ և Զահրա ռազմավարական կարևոր բնակավայրերը, Հալեպի արդյունաբերական գոտին և Թել Հասիլ և Թել Առն շրջանները հանձնել են քուրդ զինյալներին:
Սիրիայի կառավարական ուժերը հայտնում են, որ վերջին օրերին տասնյակ զինվորականներ են զոհվել մարտերի ընթացքում:
***
Փաստաբան Սերգեյ Հարությունյանի ֆեյսբուքյան գրառումը. «Խաղաղության օրակարգով տոգորվածնե՛ր, Հալեպը տեսա՞ք, մի օր էլ՝ ձեր «բարեկամ» երկրի կողմից ստեղծված այդ ուժերը Երևան են մտնելու:
Հասկացե՛ք, էս տարածաշրջանում խաղաղության միակ գրավականը՝ ուժեղ բանակն է…
***
|
Հասարակական գործիչ Կարեն Հեքիմյանի ֆեյսբուքյան գրառումը. «Ռուսաստանի և Թուրքիայի քաղաքական համագործակցությունը շարունակվում է: Այս անգամ Սիրիայում: |
***
ՀՅԴ ԳՄ ներկայացուցիչ, ԱԺ պատգամավոր Իշխան Սաղաթելյանի գրառումը․ «Բարեկամ Սիրիայի Արաբական Հանրապետությունում, մասնավորապես, հայահոծ Հալեպ քաղաքում տիրող իրավիճակը չափազանց մտահոգիչ է:
Որպես՝ ՀՀ ԱԺ Հայաստան-Սիրիա բարեկամական խմբի ղեկավար, երեկ և այսօր ստեղծված իրավիճակի մասին հեռախոսազրույց եմ ունեցել ՀՀ-ում Սիրիայի Արաբական Հանրապետության արտակարգ և լիազոր դեսպան տիկին Նորա Արիսյանի, Բերիո Հայոց թեմի առաջնորդարանի հանրային կապերի պատասխանատու Վրեժ Յագուպյանի, Սիրիայի Հանրապետության խորհրդարանի պատգամավոր Մարիա Գաբրելյանի հետ:
Իմ և ՀՅԴ Հայաստանի կառույցի անունից զորակցություն եմ հայտնել բարեկամ Սիրիայի ժողովրդին և սիրիահայությանը, ովքեր այս ծանր օրերին դիմագրավում են ահաբեկչական ուժերի և կենտրոնների կողմից հրահրված հերթական ագրեսիան՝ վստահություն հայտնելով, որ Սիրիայի Արաբական Հանրապետությունը կհաղթահարի այս մարտահրավերը»։
Դիտեք նաև՝
