«Սասնա Ծռեր» համահայկական կուսակցության համակարգող Վարուժան Ավետիսյանն իր ֆեյսբուքյան էջում գրել է․
«Հանրաքվեն մի՛ դարձրեք ապազգային և հանցավոր անցյալի ինդուլգենցիա
Մի՛ փորձեք ՍԴ-ն նախկինների ձեռքից խլելու և հեղաշրջումը կանխելու նպատակի հետ միասին լեգիտիմացնել և սրբազնացնել 1995, 2005 և 2015 թվականներին (երեք անգամ) ժողովրդի կամքին հակառակ նրան պարտադրված կեղծ սահմանադրությունը։
Այդու՝ մի՛ փորձեք լեգիտիմացնել և ազգային հագուստ հագցնել այսպես կոչված երրորդ հանրապետությանը, որն իրականում հայկական պետականությունը խափանելու համար ստեղծված կիսագաղութային համակարգ է։
Ժամանակն է մերժելու այս կիսագաղութային համակարգը և նրա կեղծ սահմանադրությունը։
Ժամանակն է 1-ին Հանրապետության իրավահաջորդության հիման վրա վերակերտելու Հայաստանի Հանրապետությունը՝ իր նոր Սահմանադրությամբ»:
