Այսօր հարձակում է եղել Փարիզի հյուսիսում գործող Սամուել-Մուրադյան հայկական վարժարանի վրա։
«Թվիթեր»-ի իր միկրոբլոգում այս մասին տեղեկացրել է Ֆրանսիայում ՀՀ արտակարգ և լիազոր դեսպան Հասմիկ Տոլմաջյանը` դատապարտելով այդ արարքը:
«Լրջորեն մտահոգված ենք Սևրի հայկական Մուրադյան վարժարանի դեմ իրականացվող վանդալիզմի կրկնվող դրսևորումներով։ Այս գործողությունները չպետք է մնան անպատիժ»,-գրել է Տոլմաջյանը։
Հիշեցնենք, հոկտեմբերի 20-ին ՀՀ դեսպանությունը տեղեկացրել էր, որ հարձակում է կատարվել Nouvelles d'Arménie-ի գրասենյակի վրա: