Հասկանում եմ, որ կորցնում եք ինքնատիրապետումը․ ներդրված գումարներն արդյունք չեն տալիս, ձեր վերաբերյալ ավելի ու ավելի ցնցող բացահայտումներ են լինում և դեռ սպասվում։ Ֆեյսբուքյան այսպիսի գրառում է արել արդարադատության նախարար Ռուստամ Բադասյանը:
«Ակտիվացրել եք ձեր շերեփուկներին, որոնք անցել են վիրավորանքի, զրպարտության, խուլիգանական պահվածքի նոր չափաբաժինների։
Քանի դեռ կա միջոց ակտիվացնելու՝ ակտիվացրեք, զրպարտության և վիրավորանքի հայցերի գումարներն էլ պատրաստեք ու պատրաստվեք․ օրենքի առաջ հավասար են բոլորը, պատասխանատվությունն էլ անխուսափելի է լինելու»,- գրառել է նախարարը եւ կոչ արել չդիմադրել։
