Հանրապետության ողջ տարածքում սպասվում է ձյուն, լեռնային շրջաններում` նաև բուք, ցածր հորիզոնական տեսանելիություն։
Հայաստանում հունվարի 19-22-ը օդի ջերմաստիճանն աստիճանաբար կնվազի 17-20 աստիճանով։ Տեղեկությունը հայտնում է ՀՀ շրջակա միջավայրի նախարարության Հիդրոօդերևութաբանության և մոնիտորինգի կենտրոնի տնօրենի տեղակալ Գագիկ Սուրենյանը։
«Հունվարի 19-ին և 19-ի լույս 20-ի գիշերը հանրապետության ողջ տարածքում սպասվում է ձյուն, առանձին վայրերում` ինտենսիվ, լեռնային շրջաններում սպասվում է նաև բուք, ցածր հորիզոնական տեսանելիություն, ճանապարհներին մերկասառույց։ Օդի ջերմաստիճանը 19-22-ին աստիճանաբար կնվազի 17-20 աստիճանով» ,– Facebook-ի իր էջում գրել է նա։