Առողջապահության նախարար Արսեն Թորոսյանն հունիսի 3-ին հայտնեց, որ Կավասակիի սինդրոմի արձանագրված դեպք է հայտնաբերվել 4 տարեկան երեխայի մոտ, ով ունեցել է անախտանիշ կորոնավիրուսային հիվանդություն։
Տեղեկացնենք, որ Կավասակի հիվանդության ևս մեկ դեպք է գրանցվել Հայաստանում։
Այս մասին հայտնում է ArmDaily.am-ը, որի հետ զրույցում լուրը հաստատել է ԱՆ խոսնակ Ալինա Նիկողոսյանը.
«Գրանցվել է ևս մեկ դեպք՝ 9 տարեկան երեխայի մոտ։ Իրավիճակն, ի սկզբանե, եղել է ծանր, սակայն այս պահին կլինիկական բարելավվում է նկատվում։ Երեխան ստացել է բուժման համար անհրաժեշտ դեղամիջոցը, ինչով պայմանավորված վիճակը կայունացել է»։
Նիկողոսյանը հավելել է, որ կավասակիով վարակված 4 տարեկան երեխան արդեն բուժվել է.
«Երեխան արդեն դուրս է գրվել հիվանդանոցից։ Սակայն նա գտնվելու է բժիշկների հսկողության տակ և նրա հետ կապը պահպանվելու է»։
Ամբողջական նյութը՝ սկզբնաղբյուր կայքում
