|
«Նորություններ Արցախից» էջը տեղեկացնում է. «Դժբախտ պատահարի հետևանքով երկրային կյանքից վաղաժամ հեռացել է երեկ՝ նոյեմբերի 6-ին որոնվող արցախցի 29-ամյա Արսեն Թևոսյանը։ «Նյուդեյ»-ն էլ հայտնել է, որ նախնական տեղեկություններով՝ երիտասարդն ինքնասպանություն է գործել: Նրա հարազատներից մեկն ասել է, որ Թևոսյանն առողջական խնդիրներ ուներ. «44-օրյա պատերազմից հետո հոգեբանական խնդիրներ ուներ, հետո էլ բռնի տեղահանությունը եղավ, խնդիրները սրվեցին»: *** «29-ամյա Արսեն Թևոսյանն Ասկերանի շրջանի Պատարա գյուղից էր: Արսենն ընտանիքում, շրջապատում սիրված, հարգված, անչափ բարի և համեստ, աշխատասեր երիտասարդ էր»,- այս մասին հայտնում է «Նորություններ Արցախից» էջը: Լրագրող Անի Գևորգյանն էլ գրում է, որ արցախցի երիտասարդն ամուսնացած էր, երկու մանկահասակ երեխա ուներ. «Չի համակերպվել հայրենիքի կորստի հետ, սոցիալական խնդիրներ չի ունեցել. ժրաջան աշխատել է: Սա՞ է խաղաղությունը…»: |
