1991–ի Անկախության հանրաքվեի «Այո»–ի` արդեն իսկ հայտնի նկարի հեղինակը, ամենայն հավանականությամբ, Ստյոպա Նարոյանն է։
Այս մասին հայտնում է Sputnik Արմենիան, ում հետ զրույցում հայտնել է 1991թ.–ին «Երեկոյան Երևան» օրաթերթի խմբագիր Նորայր Ենգիբարյանը։
Նշենք, որ երեկ ներկայացվել է սահմանադրական հանրաքվեի «Այո» քարոզչական կողմի տարբերանշանը, որը, պարզվել է` նոր չէ։
«Ոչ» քարոզչական նախաձեռնության անդամ Արսեն Բաբայանը ֆեյսբուքյան իր էջում 90-ականների մամուլից մի լուսանկար էր հրապարակել, որը 1991-ի անկախության հանրաքվեի «Այո»-ի քարոզն է ներկայացնում։ Լուսանկարում զանգի մեջ պատկերված «Այո»-ն կրկնում է «Այո» քարոզչական կողմի լոգոն։
«Այդ տարիներին երկու հոգի էին մեզ հետ աշխատում` Նարոյան Ստյոպան և Ցոլակ Ղանդիլյանը։ Նարոյանն արդեն մահացել է, իսկ Ղանդիլյանը Նկարիչների միության անդամ է` հայտնի նկարիչ է։ Իմ հիշելով հենց Նարոյանն է հեղինակը»,- ասել է Ենգիբարյանը։
Նա հայտնեց նաև, որ այդ տարիներին լուսանկարչական ապարատ չունեին, և ձեռքով էին նկարում թերթի շապիկի նկարները։
«Այո»–ի նկարը թերթի սեպտեմբերի 23-ի համարի նկարն է։
Ցոլակ Ղանդիլյանը կայքի հետ զրույցում հայտնել է, որ ինքը չէ նկարի հեղինակը։ Այսինքն` ստացվում է, որ Նարոյանն է հեղինակը։
Հիշեցնենք, որ «Այո»–ի այս տարբերանշանի համար վճարվել էր 3 մլն դրամ։
Նյութը՝ սկզբնաղբյուր կայքում
Դիտեք նաև՝
