Արդեն տեղեկացրել ենք, որ ՀՀ վարչապետ Նիկոլ Փաշինյանը շրջել է Սիսիան քաղաքում։
Թաղամասերից մեկում նրան դիմավորել են մի խումբ քաղաքացիներ։ Նրանք վանկարկում էին «Նիկոլ վարչապետ» և ծափահարում նրան։
Փաշինյանը խնդրել է չծափահարել, քանի որ ՀՀ-ում եռօրյա սուգ է․
«Ժողովո՛ւրդ, պետք չեն էլի ծափերը էսօր, սգի օր ա»,- ասել է նա։
Նա սիսիանցիների հետ հանդիպմանը պարզաբանել է Սյունիքի սահմաններին տիրող իրավիճակը։
«Էսօր շատ ա խոսվում, թե էն, ինչը տեղի է ունենում Սյունիքի սահմաններին, դա Սյունիքը հանձնելու պրոցես ա և այլն։ Իրականում ուղիղ հակառակն ա»,- ասել է Փաշինյանը։
Ընդհատելով Փաշինյանի խոսքը՝ սիսիանցիներից մեկն արձագանքել է․
«Հերիք չի՞ խաբես, արա»։
Տեղում հավաքվածները սկսել են աղմկել՝ լռեցնելու համար քաղաքացուն։
