Արագածոտնի մարզի Քուչակ և Եղիպատրուշ գյուղերը կապող ճանապարհի հիմնանորոգման արդյունքում պետությունից հափշտակվել է ավելի քան 21 միլիոն դրամ: Այս մասին տեղեկանում ենք գլխավոր դատախազությունից:
Նշված գյուղերը միացնող ճանապարհը հիմնանորոգվել է Հերմինե Նաղդալյանին պատկանող «Սիսիանի բուատ» ՍՊ ընկերության կողմից, սակայն հիմնանորոգումից մեկ տարի անց ճանապարհը սկսել է քանդվել:
Այս մասին գրում է «Հետքը»: 2017թ. դեկտեմբերին նշված ճանապարհահատվածը հանձնվել է պատվիրատուին՝ շահագործման, սակայն ձեռք են բերվել տվյալներ առ այն, որ ճանապարհի կառուցման արդյունքում թույլ են տրվել պայմանագրով նախատեսված նորմատիվների խախտումներ, ինչի արդյուքնում պետությունից հափշտակվել է առանձնապես խոշոր չափերի՝ ավելի քան 21մլն ՀՀ դրամ գումար: Փաստի առթիվ ՀՀ ՔԿ Արագածոտնի մարզային վարչությունում հարուցվել է քրեական գործ՝ ՀՀ քրեական օրենսգրքի 178-րդ հոդվածի 3-րդ մասի 1-ին կետով և ընդունվել վարույթ:
