▲ Դեպի վեր

lang.iso lang.iso lang.iso

Հոկտեմբերի 25-ին հատուկ առաջադրանքի ժամանակ 15 հոգանոց խմբից 11-ը զոհվում են տեղում. նրանց մեջ էր նաև 40 օրվա զինծառայող Գևորգը

Կարապետյան Գևորգը օգոստոսի 13-ին էր զորակոչվել բանակ։ Ընդամենը 40 օրվա ծառայող էր, երբ սկսվեց պատերազմը։ Այդ 40 օրից քսանն անցկացրել էր կորոնավիրուսով պայմանավորված մեկուսացման մեջ և որպես այդպիսին ընդամենը 22 օր էր զինվորական պատրաստություն անցել։

Հոկտեմբերի 25-ին, հատուկ առաջադրանքի ժամանակ 15 հոգանոց խմբից 11-ը զոհվում են տեղում, 2-ը՝ հիվանդանոցում։ Այդ 11-ի մեջ էր նաև Գևորգը...

22 օրվա պատրաստություն անցած զինվորին ուղարկել էին հատուկ առաջադրանքի...

Տարբեր պատմություններ եմ լսում, որ եղել են զորամասեր, որտեղ հրամանատարները նորակոչիկներին թաքցրել է բունկերներում, որպեսզի անփորձ զինվորները չզոհվեն։ Իսկ Կարապետյան Գևորգի և Լևոնյան Լևոնի պատմությունները գալիս են պնդելու հակառակը, որ եղել են հրամանատարներ, ովքեր 20-30 օրվա զինվորական պատրաստություն անցած տղերքին ուղարկել են թուրք հատուկջոկատայինների դեմ կռվելու...

Գևորգի ծնողները իրենց որդուն այդպես էլ զինվորական համազգեստով չտեսան։ Հուղարկավորությանը դագաղը փակ էր...

Գևորգն ընդամենը 21 տարեկան էր։

Վերահրապարակումներում` մտքերն ու ինֆորմացիան կարող են չհամընկնել խմբագրության տեսակետի հետ: Ձեր տեսակետը կամ հերքումը կարող եք ուղարկել info@asekose.am-ին
Հասարակություն ավելին