Ապրիլի 10-ին, ժամը 20:07-ին Ճգնաժամային կառավարման ազգային կենտրոն ահազանգ է ստացվել, որ հրդեհ է բռնկվել Երևանի Անդրանիկի փողոցի թիվ 75 շենքի մոտակա ավտոտնակների մոտակայքում:
Դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ, ինչպես նաև հրդեհաշիջման և փրկարարական աշխատանքների կազմակերպման բաժնի օպերատիվ խումբը:
Տեղում պարզվել է, որ հրդեհը բռնկվել է ավտոտնակներից մեկի նկուղային հարկում: Հրդեհը մեկուսացվել է ժամը 20:46-ին, մարվել՝ 21:23-ին:
Փրկարարները նկուղում հայտնաբերել են 73-ամյա Արամ Ա.-ի այրված դին և դուրս բերել: Այրվել են կենցաղային իրեր (մոտ 25 խմ) և աղբ:
Այս մասին այսօր տեղեկացրել է ՀՀ ԱԻ նախարարությունը:
