Թարմացված․ Երեկվանից համացանցում քննարկում են Արմավիրի մարզի թիվ 8 հիմնական դպրոցի մանկավարժական կազմի կազմակերպած գիրք նվիրելու արարողությունը: Այս դպրոցի մանկավարժները տնօրենին գիրք նվիրելու համար նրա աշխատասենյակ էին մտել շարքով ու կարգով՝ արտասանելով Թումանյանի և Սևակի ստեղծագործություններից: Թիվ 8 դպրոցի տնօրեն Աննա Խաչատրյանը «Առավոտ»-ի հետ զրույցում ուսուցիչների՝ իրեն նվիրված պաթոսով ասմունքը ստացված ու գեղեցիկ անակնկալ է համարել։ Հարցին, թե հանրության քննադատությունն ինչպես է ընդունել, ասել է. «Նորմալ, առողջ քննադատություն է: Ես ընդունեցի, որ նման բաներ չպետք է հանրայնացնես ու ամեն մեկը յուրովի է մեկնաբանում: Դուք տեսա՞ք այդտեղ քծնանք, ես չեմ տեսել․․․»:
|
Համացանցում քննադատությունների թիրախ է դարձել Արմավիրի թիվ 8 դպրոցի կոլեկտիվը, որը ցուցադրաբար գիրք է նվիրում դպրոցի տնօրենին: Քաղաքագետ Գագիկ Համբարյանը գրել է. «Արմավիրի թիվ 8 դպրոցն է... Լրագրողն Նարինե Ղալեչյանն էլ գրել է. «Տնօրենն այդ գիրքը չէր ընդունի՞, եթե այս պաթոսախեղդ ներկայացումը չբեմադրեիք: «Ինչու այսպես ողորմելի ու թշվառ եղանք»,- տարակուսել է Գյումրիի «Ասպարեզ» ակումբի նախագահ Լևոն Բարսեղյանը: Լրագրող Նանե Սահակյանն էլ է նմանատիպ կարծիքի. «Այ եթե տնօրենը արտասանելով դիմավորեր ուսուցիչներին ու նախ ինքը մի գիրք նվիրեր, միգուցե հասկանայի, բայց այսպես... |
