▲ Դեպի վեր

lang.iso lang.iso lang.iso

Ինչո՞ւ էին Նիկոլենք անընդհատ գլուխ գովում. Արեգնազ Մանուկյան

ԱԺ ընդդիմադիր պատգամավոր Իշխան Սաղաթելյանին որպես ընդդիմադիր փոխնախագահի թեկանածու, ներկայացնում է «Հայաստան» խմբակցության պատգամավոր Սեյրան Օհանյանը: Խմբակցության պատգամավոր Արեգնազ Մանուկյանը՝ դիմելով Ս. Օհանյանին հարցրեց. «Նիկոլ Փաշինյանը և իր թիմակիցները 2016 թվականին հանրությանը հերթական սուտն ու կեղծիքը մատուցեցին՝ հայտարարելով, որ իբր մասնակցել են ապրիլյան քառօրյա պատերազմին, եղել են առաջնագծում, սակայն հետագայում պարզվեց, որ նրանք եղել են առաջնագծից տասնյակ կիլոմետրեր հեռու, զբաղված են եղել խրամատներ փորելով և ապրիլյան պատերազմին մասնակցել են մայիսին:

/filemanager/uploads/aregnaz_manukyan.jpg

Քանի որ Դուք այդ ժամանակ Պաշտպանության նախարար էիք, խնդրում եմ հստակություն մտցնել՝ ինչպե՞ս կարող էին նրանք ապրիլյանին մասնակցել մայիսին, ի դեպ այդ ընթացքում նրանք հասցրեցին հուժկու սելֆիներ անել, ինքնագովազդվել, շուո սարքել և հայրենասեր խաղալ: Պարո՛ն Օհանյան, ի՞նչ եք կարծում, ինչո՞ւ էին Նիկոլենք անընդհատ գլուխ գովում, որ մասնակցել են բուն պատերազմին»: Հարցն ընդմիջեց ԱԺ նախագահ Ալեն Սիմոնյանը՝ հորդորելով կոռեկտ արտահայտվել, ինչին արձագանքելով Ա. Մանուկյանն ասաց. «Սովորեք ճշմարտությունը լսել, այսուհետ այսպես է լինելու»: Ալեն Սիմոնյանը կրկնեց իր խոսքը. «Հորդորում եմ կոռեկտ մնալ, վարրչապետի անունը տալիս կոռեկտ արտահայտվեք Ազգային ժողովում, այլապես ես կկիրառեմ կարգապահական տույժ»:

Դիտեք նաև՝

Asekose.am-ի նյութերի հետ կապված Ձեր տեսակետը, պարզաբանումը կամ հերքումը կարող եք ուղարկել info@asekose.am-ին․ այն անմիջապես կզետեղվի կայքում
Քաղաքական ավելին