Լրագրող Ոսկան Սարգսյանի գրառումը․ «Ինչպես ավերեցին Սևանի մաքրման կայանը
Երևի 1998 թվականն էր, Նոյեմբերյան քաղաքում տեսա միջպետական ավտոճանապարհով անցնող մեծ բեռնատարների, որոնք բեռնված էին նոր, երկար, մեծ տրամաչափի խողովակներով։ Դրանցից մեկի վարորդին հարցրի, թե այդ ինչ խողովակներ են։ Նա ասաց, որ դրանք Սևանի կոլեկտորի՝ մաքրման կայանի խողովակներն են, իրենք տեղափոխում են Այրում կայարան, ուր խողովակները մասնատվում, որպես մետաղի ջարդոն արտահանվում են արտասահման։ Նյութ գրեցի, հանրապետությունում մեծ արձագանք գտավ։ Հայտնվեցին մարդիկ, ովքեր Երևանում մամուլի ասուլիս տվեցին, և հայտարարեցին, թե Սևան մտնող ջրերի մաքրման համար կառուցված կոլեկտորի խողովակները ծախում են, որ Երևանում մանուկների համար «Մարդկային զարգացման կենտրոն» կառուցեն։ Իհարկե, ոչ մի կենտրոն էլ չկառուցվեց։ Հատուկ մի կառույցից «չերեզով» ինձ հայտնեցին, որ դա այդ ժամանակվա իշխանության վերնախավն է իրականացնում։ Սևանն իր սիգով 1990-ական թվականներին Հայաստանը փրկեց սովից, սակայն Սևանը դարձավ թալանի առարկա»։

Դիտեք նաև՝