Արդեն տեղեկացրել ենք օդանավայում Ադրբեջանի ԱԳ նախարարի՝ հայերի հետ անակնկալ ճեպազրույցի մասին:
Լրագրող Թամարա Սարյանը հատված է հրապարակել այդ զրույցից ու ֆեյսբուքյան իր էջում գրել է.
«Ասում եք հուզվեցի՞։ Ուրեմն կարելի էր ապրիլի 4֊ին կանգնել մեր լուսավոր տղաների մահվան՝ գուցե հենց առաջին մեղավորի դիմաց, լսել նրա ձայնը, ստիպված դեմքին նայել, զգալ շունչը, դիմանալ կեղծ ժպիտին, դիմանալ, դիմանալ ու...չհուզվել։ Այո, հուզվեցի, բայց շարունակեցի հարցերս, նա էլ պատասխանեց։ Բայց մի՞թե վառված չի մեր պաշտպանության նախարարի հայտարարությունից։
Հարց ֊Պարոն Մամեդյարով, քանի որ տարիների փորձը ցույց է տալիս, որ Ձեր խոսքն ու գործը մի քանի ժամվա մեջ սկսում են իրարից անջատվել, ուստի ինձ հետաքրքիր է, թե Վիեննայի հանդիպումից մի քանի օր հետո Ձեր գլխում ինչ փոփոխություններ են եղել խաղաղություն հաստատելու և այն պահելու տեսանկյունից»։
Եվս մեկ հատված հրապարակելով՝ Թամարա Սարյանը գրել է.
«Թ.Ս.- Պարոն Մամեդյարով, դուք ինձ ասում եք մի նյարդայնացիր, բայց ես զգում եմ, որ դուք շատ եք լարվել մեր պաշտպանության նախարարի խոսքից։ Այդքան անսպասելի՞ էր»։
Կարդացեք՝ Ուշագրավ տեսանյութ. Հայերն օդանավում ճանաչել են Ադրբեջանի ԱԳ նախարարին ու զրույցի բռնվել նրա հետ
